 |
Статистика сайта |
 |
|
Сейчас на сайте: 1 Гостей: 1 Своих людей: 0 |
 |
|
 |
|
 |
Главная » 2011 » Май » 5 » Мин отчуотум :)
Мин отчуотум :) | 17:09 |
 |
Бирибиэт! :)
Быйыл сааспыт эрдэ кэллэ, өрүспүт хамсаабыта. Бу бэҕэһээ күнүс устубут хаартыскам. Билигин хайдах буолан турара буолла, билбит суох. Хас да сыллааҕыта Кыайыы Күнүгэр барбыта, ону эрдэ да барда дэспиппит. Быйыл өссө эрдэлиир буолла.Эрдэлээн көрдүн!
|
 |
Эһиги "Нива" диэн ааттанар массыынаны билэҕит дуо? Оруобуна козел курдук ыстаҥалыыр массыына. Амортизатордара бүппүт буоллахтарына өссө күүскэ ыстаҥалыыр. Миэнэ оруобуна оннук буолбута.
Бэҕэһээ эбиэттэн киэһэ түөрт амортизатор атыыластым, эрэһиинэ втулкаларын кытта. Онтон даачабар ыстаҥалатан кэллим уонна уларыталаан кэбистим. Ити хаартыскаҕа кып-кыһылы көрөҕүт? Инники подвеска амортизатора. Хоруопкатыгар омуктуу суруктааҕын иһин ким оҥорбута эбитэ буолла диэн көрдүм. Бырааттыы бөлөрүүс омуктар оҥоһуктара эбит. Амортизаторы баҕас хаачыстыбаннай гына оҥордулар ини, тыраахтардара үчүгэй дии. Хайа, уонна БелАЗ-тара. Уопсайынан, көрүөхпүт уонна истиэхпит :)
|
 |
Билигин күнүскү өттүгэр тыаллаах баҕайы, ол иһин дьиэ таһыгар бөҕү уматар сэрэхтээх курдук саныыбын. Сарсыарда эрдэ тыал суох. Ол иһин бүгүн эрдэ тиийдим. Эрдэ да диэн буолуо дуо, сэттэ кыратык ааһыыта. Сорох дьоҥҥо 7 чаас диэн эрдэ, оттон сорохтор ити кэмҥэ "Хайаа-а, эбиэт буолан эрэр дии" - дэһэллэр :)
Мин иккис категорияҕа киирсэбин. Оттон наһаа эбиэт да буолбатар :)))
Сарсыарда эрдэ үлэлиир үчүгэйэ сүрдээх. Боруобалаарыҥ, билэн сүбэлиибин :)
|
 |
Күнүс хортуоскабын дьаһайдым. Кыратын кыраҕа, улаханын улахаҥҥа. Сиэмэ хортуоскатын туһунан. Сиһим быста сыста! :)
Биир маннык этиилээхпин: үчүгэй хаһаайыҥҥа ыам да ыйыгар үчүгэй хортуоска баар буолуохтаах. Суох буоллаҕына ол аата эн мөлтөх хаһаайын эбиккин. Өһүргэнимэ, билэн этэбин :)))
Чэ, бакаа! :)
|
|
|
Категория: Новости сайта |
Просмотров: 661 |
Добавил: br
|
|
 |
Анатолий Иванов. При любом использовании материалов сайта ссылка (для интернет-ресурсов — гиперссылка) обязательна © 2024 |
 |
|
|
