Четверг, 18.07.2019, 04:41
BR - мои воспоминания
На главную страницу Регистрация Войти
Хара Суор приветствует тебя, Гость · RSS
Поиск
Что на сайте?
Статистика сайта

Сейчас на сайте: 1
Гостей: 1
Своих людей: 0
 Мои воспоминания
Главная » 2011 » Апрель » 18 » Бастакы өҥнөөх тэлэбиисэр
Бастакы өҥнөөх тэлэбиисэр
15:08

   Дорооболоруҥ, доҕоттоор!

   Биһиги бөһүөлэкпитигэр бастакы өҥнөөх тэлэбиисэр кэлбитин туһунан кэпсээммин истиэххитин баҕараҕыт дуо? Баҕарар буоллаххытына монитор иннигэр олорон өйдөөн истиҥ. Улаханнык айдаараайаҕыт, сөп?

   Мин төрөөбүт-үөскээбит дэриэбинэбэр аҕыс кылаастаах оскуола баара, ону бүтэрбиттэр дэриэбинэттэн аҕыс көстөөх сиргэ баар сопхуоспут киинигэр баран салгыы үөрэнэллэр этэ. Оттон мин оройуон киинигэр физиканы итиэннэ математиканы үчүгэйдик үөрэтэр кылааска киирбитим. Ахсыс кылааска үөрэнэр кэммэр оройуоннаҕы физика олимпиадатыгар алҕаһатан миэстэлэһэн турардаахпын. Биһиги кып-кыракый дэриэбинэбитигэр мин иннибинэ ким да физикаҕа оннук ситиһиилэнэ илик этэ, ол да иһин дьонум миигин физматка биэрдэхтэрэ. Онно икки сыл үөрэнэн син билиини-көрүүнү ылбыт буолуохпун сөп. Кэлин икки техническэй хайысхалаах үөрэхтээх киһи буоларбар улаханнык көмөлөстөҕө. Онон үөрэппит-такайбыт учууталларбар махталым улахан.

   Чэ, ити хааллын. Мин өҥнөөх тэлэбиисэр туһунан кэпсээри гынным этэ дуу? Матанализ диэн ааттанар биридимиэт сорбутун сордуурун туһунан кэпсиир санаам суох.

   Оройуон киинигэр тохсус уонна онус кылаастарга үөрэнэр кэмнэрбэр төрөппүттэрим табаарыстарыгар олорбутум. Олус үчүгэй ыалга олорон абыраммытым. Ийэлэрэ учууталлыыра, оттон аҕалара райисполкомҥа үлэлиирэ. Кинилэр түөрт оҕолоох этилэр – икки уол, онтон икки кыыс. Анаабыт курдук. Ити ыал аҕата "бракодел” буолбатах эбит :)

   Кэпсээнтэн кэпсээн. Арай биирдэ үлэбитигэр олордохпутуна дириэктэрбит уонна биир отдел начаалынньыга киирэн кэллилэр. Дириэктэр биэс кыыс оҕолоох, отдел салайааччыта үс кыыстаах. Хайалара даҕаны уол оҕолоро суох дьон. Кинилэр киириэхтэрин иннинэ биһиги оҕолор тустарынан кэпсэтэ олорбуппут. Киирэллэрин кытары мин: "Ооо, бракоделлар кэллилэр!” – диэн саҥа аллайааччы буоллум. Дьонум өһүргэннилэр...

   Ууу, дьэ! Эмиэ халыйан хааллым дуу! Өҥнөөх тэлэбиисэрбэр төннүүһүбүн :)

   Кыһын олунньу ый этэ. Арай биир киэһэ ыал аҕата үлэтиттэн кэлэн баран "Үлэбитигэр өҥнөөх тэлэбиисэр аҕаллылар, баран көрөбүт дуо?” - диэтэ. Биһиги үөрдүбүт да үөрдүбүт! Олорор дьиэбититтэн райисполком ырааҕа суох, онон түргэнник тиийдибит. Ол киэһэ түүҥҥү харабылынан олорор дьонум улахан уоллара Дима үлэлиир этэ. Тиийбиппитигэр ааммытын аста. Актовай саалаҕа аастыбыт, били сонун тэлэбиисэр онно турар эбит. Эчи улаханыын, халыҥыын! Биһиги сөҕө санаатыбыт. Ыал аҕата тэлэбиисэри холбоото, биһиги хаһан көрдөрөрүн кэтэстибит. Кыһыҥҥы Олимпийскай оонньууларга фигурнай хаҥкылааһын буола турар эбит! Көрдөрөрө үчүгэйиин!!! Өҥ арааһа диэн дьэ манна баар эбит! Сөрү диэн сөхтүбүт, бэри диэн бэркиһээтибит!

   Ол көрө турдахпытына улахан кыыстара Лариса: "Хайдах бачча элбэҕи кырааскалыыллара буолуой?” – диэн убайыттан ыйытта. Дима балтын кэлэйбит курдук көрөн турда уонна: "Акаарыгын дуу?” – диэтэ. Онтон ордук тугу да булан эппэтэ. Дьэ кырдьык балтыттан улаханнык кэлэйбит этэ.

   Бастакы өҥнөөх тэлэбиисэри оннук быһыыга-майгыга көрөн турардаахпыт :)



Просмотров: 1260 | Добавил: br
Анатолий Иванов. При любом использовании материалов сайта ссылка (для интернет-ресурсов — гиперссылка) обязательна © 2019
Тук-тук! Войдите!
Календарь обновлений
«  Апрель 2011  »
ПнВтСрЧтПтСбВс
    123
45678910
11121314151617
18192021222324
252627282930
Мой архив
Разное


Моя кнопка:
Black Raven - мысли, воспоминания, рассказы
HTML-код кнопки:


К коду вы можете добавить параметр target="_blank". Это на ваше усмотрение.