КҮҺҮҤҤҮ БЫЛЫТТАР

Араҕас сэбирдэх ыһыллар,
Аймалҕан сүрэхпэр ытыллар...
Мин муннум күһүҥҥү былыттар
Мунчаарбыт ыырдарын быыһыгар.

Тулабар тымныы тыал иһиирэр,
Ырыабар курус тыл тиһиллэр,
Санаабын санньыар түүн баһыйар,
Арахпат ыарыынан ньүөлүйэр...

Умнуом дуо бу хаҕыс кэмнэрбин,
Сулумах умнастаах кэриибин,
Күрэммит күлүмнэс күннэрим
Күлүгүн сырсыбыт күһүммүн

Араҕас сэбирдэх ыһыллар,
Аймалҕан сүрэхпэр ытыллар...
Мин муннум күһүҥҥү былыттар
Мунчаарбыт ыырдаран быыһыгар.

Наталья Михалева - Сайа