Четверг, 28.03.2024, 20:58
BR - мои воспоминания
На главную страницу Регистрация Войти
Хара Суор приветствует тебя, Гость · RSS
Поиск
Что на сайте?
Категории
Новости сайта [411]
Новости, обновления и т.д.
Мысли, мнения [342]
Мысли и мнения Black Raven'а
RSS лента новостей
Статистика сайта

Сейчас на сайте: 1
Гостей: 1
Своих людей: 0
 
Главная » 2010 » Февраль » 6 » Аны быыбар ыраас буолар дуо?
Аны быыбар ыраас буолар дуо?
18:52

   Мантан ыла оннук буолар үһү. Үчүгэй сонун буолбат дуо?
   Арассыыйа эбэ хотун үрдүнэн буолан ааспыт быыбар айдааннаахтык-куйдааннаахтык ааспытын бары билэҕит. Быыбар кэнниттэн "биир ньыгыллартан" уратылар бууннуу сылдьыбыттара. "Ньыгыллар" хантан бууннуохтарай, кыайан-хотон баран? Бирисидьиэн Медведев атын баартыйалар салайааччыларын нэһиилэ тылыгар киллэрбитэ. Туох диэбитэ эбитэ буолла, мин истибэтэҕим. Арааһа, аны быыбар чиэһинэй буолуоҕа диэн мэктиэлээбит да буоллаҕына боруога суох.
   Кэпсээнтэн кэпсээн. Соторутааҕыта "ньыгыллар" лиидэрдэрэ Айсиэн Ньукулаайап "чэйиҥ, быыбары ыраастык ыытыаҕыҥ" диэн ыҥырыы таһаарбыта. Мин онтон сонньуйа санаабытым. Хайдах эрэ Ньукулаайап атын баартыйаларга туһаайан "Эһиги хайдах буолаҕыт, чэ дабаайте, быыбары чиэһинэйдик ыытыҥ" диэбит курдук иһиллибитэ мин кулгаахпар. Кулгааҕым бүөлэннэҕэ дуу, бэйэм сатаан өйдөөбөтөҕүм дуу? Сааһым да ыраатта ээ.
   Ол Ньукулаайап ыҥырыыта тахсыбытын кэнниттэн "сиэрдээхтэртэн" Госдуумаҕа дьокутаат Сөдүөт Тумууһап "Эһиги, ньыгыллар, быыбарга былааспытын туһаныахпыт суоҕа диэн мэктиэлиир буоллаххытына эрэ биһиги ыҥырыыгытыгар илии баттыахпыт" диэбит сураҕа иһиллибитэ. Ону "ньыгыллар" туох диэбиттэрэ эбитэ буолла? Билбэтим. Арай ЛДПР диэн ааттанар баартыйа Саха сиринээҕи салаатын хотуна Татыйаана Хотуобускайа диэн дьахтары кытта илии баттаспыттар үһү диэн буолар.
   Онон ыраас быыбар буолар буолла дуу, хайдах дуу? Олох көрдөрөн иһэр ини?
   Сир эргийэр, сыл-хонук устан иһэр. Сотору быыбар буолуо, онно көрүөхпүт итиэннэ истиэхпит :)

                                                                                                Халаахтаата Хара Суор

Категория: Мысли, мнения | Просмотров: 739 | Добавил: br
Анатолий Иванов. При любом использовании материалов сайта ссылка (для интернет-ресурсов — гиперссылка) обязательна © 2024
Тук-тук! Войдите!
Календарь обновлений
«  Февраль 2010  »
ПнВтСрЧтПтСбВс
1234567
891011121314
15161718192021
22232425262728
Мой архив
Разное


Моя кнопка:
Black Raven - мысли, воспоминания, рассказы
HTML-код кнопки:


К коду вы можете добавить параметр target="_blank". Это на ваше усмотрение.